Добро пожаловать в

Брестский государственный
технический университет



Па шляхах мерапрыемства “Чалавек Адраджэння”

Напярэдадні 95-годдзя з дня нараджэння У. А. Калесніка, пісьменніка, асветніка, мудрага дарадчыка творчай сябрыны Берасцейшчыны, вучонага, у адукацыйна-асветным цэнтры імя Уладзіміра Андрэевіча (УА БрДУ ім. А. С. Пушкіна) сустрэліся фізікі і лірыкі (14.09.2017). Такія сустрэчы ўжо сталі для студэнтаў двух вузаў добрай традыцыяй. Хораша філолагамі былі ўспрыняты вершы студэнтаў (Кірко Я., гр. Л-9; Мароз Д., гр. Л-10; Мельнік Г., гр. М-45; Пяцелька Г., гр. М-147; Дуброўскі Н., М-147; Кудынюк Д., гр. Д-22) нашай навучальнай установы. З зацікаўленасцю быў прагледжаны дакументальны фільм пра лёс У. Калесніка. Моладзь мела магчымасць даведацца, што гэтаму чалавеку былі падуладны і мастакоўскі пэндзаль, і скульптурны разец, і фотакамера, і цяслярская сякера, і рыбалоўная вуда, і слова, бліжэй пазнаёміцца з працамі Уладзіміра Андрэевіча. Спадзяемся, што пасля гэтай сустрэчы ў студэнтаў нашага вуза не будуць узнікаць пытанні: чаму адна з вуліц Брэста названа імем Уладзіміра Андрэевіча Калесніка. А да мудрых выслоўяў пісьменніка неаднаразова будуць звяртацца маладыя людзі: “Жыві, каб помнілася твая прысутнасць у свеце”, “Дабру нашы сцежкі належаць…”.

Кафедра беларускай і рускай моў

07.05.2018 12:19:26