Добро пожаловать в

Брестский государственный
технический университет



У БрДТУ прайшоў круглы стол “Духоўнае самавызначэнне асобы ў сучасным свеце”

27 кастрычніка ў Брэсцкім дзяржаўным тэхнічным універсітэце прайшоў круглы стол “Духоўнае самавызначэнне асобы ў сучасным свеце”: да 60-годдзя з дня нараджэння Леаніда Дранько-Майсюка. Мерапрыемства ладзілі кафедра беларускай і рускай моў, а таксама студэнты 1 курса.

Урачыстаці адкрыў прывітальным словам дацэнт кафедры Яніцкі М.І. Ён расказаў пра вытокі творчасці нашага вядомага земляка, мастацкія адметнасці яго лірыкі. Удзел у круглым стале прынялі каля 30 выступоўцаў: выкладчыкі кафедры і студэнты ўніверсітэта. Тэматыка дакладаў была разнастайнай: ад біяграфічных звестак пра паэта да тонкіх і глыбокіх назіранняў над індывідуальна-мастацкімі асаблівасцямі лірыкі Л. Дранько-Майсюка. Між усім дамінаваў краязнаўчы вектар даследчыкаў. Выступленні суправаджаліся дыскусіяй з боку прысутных.

У другой частцы мерапрыемства адбыўся творчы конкурс “… хараство ніколі не стамляецца” ў наступных намінацыях:

  1. На лепшае выканаўчае майстэрства вершаў Л. Дранько-Майсюка (прагучалі не толькі творы паэта, але і ўласныя вершы студэнтаў. Даспадобы ўсім прыйшлася сцэнічная пастаноўка “Цацачная крама” ў выкананні  студэнтаў 1 курса пад кіраўніцтам выкладчыцы Капцовай Ю.А. Чытанне мастацкіх твораў паэта вылучалася прафесійным майстэрствам і юнацкім запалам, так што журы прыйшлося цяжка пры вызначэнні пераможцаў конкурсу.
  2. На лепшы аўтарскі твор па матывах творчасці Л. Дранько-Майсюка (былі прадстаўлены партрэты Л. Дранько-Майсюка, замалёўкі па творах паэта). Усе прадстаўленыя работы выкананы з вялікім густам і любоўю.

На гэтым урачыстаці ў гонар паэта-земляка не скончыліся. Нас чакае сустрэча з Л. Дранько-Майсюком, на якой будуць адзначаны і ўзнагароджаны пераможцы круглага стала і творчых конкурсаў!

20.05.2013 00:15:26


Главные новости17.11.2017

«Духовность. Молодежь. Будущее Беларуси»

15 ноября 2017 состоялась региональная научно-практическая конференция «Духовность. Молодежь. Будущее Беларуси».
Главные новости17.11.2017

III Открытый фестиваль иностранных студентов «Творчество - посол мира»

Главные новости17.11.2017

Китайские студенты посетили Большой театр оперы и балета Республики Беларусь

Главные новости17.11.2017

Студент года – 2017

Главные новости17.11.2017

Поздравляем с Международным днём студентов