Сёння ў Брэсцкім дзяржаўным тэхнічным універсітэце адбыўся круглы стол «Халакост — трагедыя без часу», прысвечаны Міжнароднаму дню памяці ахвяр Халакосту. Мерапрыемства прайшло пры ўдзеле намесніка старшыні праўлення Брэсцкага навукова-асветніцкага цэнтра «Халакост» Максіма Барысавіча Іванова і старшыні Брэсцкага гарадскога савета ветэранаў Ганны Тарасаўны Анішчук.

Спікеры распавялі прысутным аб маштабах трагедыі, падкрэсліўшы, наколькі цяжкімі былі выпрабаванні, якія выпалі на долю чалавецтва ў гады Другой сусветнай вайны. Асаблівая ўвага надавалася захаванню гістарычнай памяці, барацьбе з праявамі антысемітызму і прадухіленню спробаў перапісвання гістарычных фактаў.