У Брэсцкім дзяржаўным тэхнічным універсітэце дадзены старт адной з самых значных падзей у жыцці кожнага студэнта — размеркаванні выпускнікоў 2026 года. Гэта момант, калі гады вучобы змяняюцца першымі крокамі ў прафесійнай кар'еры, а веды, атрыманыя ў сценах alma mater, знаходзяць сваё прымяненне на прадпрыемствах краіны.

Сёлета ўніверсітэт выпусціць 716 маладых спецыялістаў, з якіх 379 — студэнты, якія навучаліся за кошт сродкаў бюджэту. Таксама дыпломы аб вышэйшай адукацыі атрымаюць 33 магістранты дзённай формы навучання.
Завочная форма навучання выпусціць 220 спецыялістаў першай ступені і 8 магістраў. Усе яны гатовыя папоўніць кадравы рэзерв прадпрыемстваў і арганізацый Беларусі.

Першымі працэдуру размеркавання прайшлі выпускнікі Эканамічнага факультэта БрДТУ. У гэтым годзе факультэт падрыхтаваў 22 спецыяліста якія падлягаюць размеркаванні, з якіх 21 — бюджэтнік і 1 — студэнт, які навучаўся на платнай аснове.

Ключавым паказчыкам якасці падрыхтоўкі спецыялістаў з'яўляецца попыт з боку працадаўцаў. Сёлета больш за 50% заявак паступіла ад базавых арганізацый, што сведчыць аб высокім даверы да выпускнікоў БрДТУ. Сярод першых месцаў працы, куды накіруюцца маладыя эканамісты, — такія буйныя і вядомыя структуры, як:

• ААТ «Белгазпрамбанк»;
• «Савушкін прадукт»;
• прадпрыемствы групы кампаній SANTA;
• Брэсцкая мытня;
• Цэнтр па забеспячэнні дзейнасці бюджэтных арганізацый г. Брэста.

Старт размеркавання — гэта пачатак вялікага шляху для выпускнікоў і пацвярджэнне таго, што сістэма адукацыі ў БрДТУ працуе на вынік, рыхтуючы запатрабаваных і канкурэнтаздольных спецыялістаў для эканомікі краіны!