25 сакавіка факультэт інжынерных сістэм і экалогіі Брэсцкага дзяржаўнага тэхнічнага ўніверсітэта адкрыў правядзенне тыднёвага прафарыентацыйнага мерапрыемства для будучых студэнтаў «Канікулы ў БрДТУ».
Першы дзень канікул пачаўся для абітурыентаў майстар-класам па правядзенні хімічных доследаў у лабараторыі інжынернай экалогіі і хіміі. Працягам мерапрыемстваў стала сустрэча з дэканам факультэта Алегам Паўлавічам Мешыкам, удзел у займальным квэсце «ЭкаЛогіка» і незвычайным майстар-класе па вырабе свечак «Экалагічнасць у творчасці».
Завяршэннем першага дня канікул сталі экскурсіі па лабараторыях факультэта: лабараторыям кафедры цеплагазазабеспячэння і вентыляцыі з дэманстрацыяй працы сучаснага абсталявання інжынерных сістэм, кафедры прыродаўпарадкавання, кафедры водазабеспячэння, водаадвядзення і аховы водных рэсурсаў, а таксама інжынернай экалогіі і хіміі.