Вясновыя канікулы ― гэта час адпачынку і зарада энергіяй перад новай чвэрцю. Эканамічны факультэт на другі дзень канікул запрасіў правесці гэты час з карысцю на самых разнастайных прафарыентацыйных мерапрыемствах «Канікулы ў БрДТУ». Навучэнцы школ, ліцэяў, гімназій Брэста і Брэсцкай вобласці змаглі пагутарыць у нефармальнай абстаноўцы з кіраўніцтвам і вядучымі выкладчыкамі факультэта.
Студэнты і выкладчыкі падрыхтавалі для гасцей шмат разнастайнай інфармацыі як аб уступнай кампаніі, так і аб вучэбнай, навукова-даследчай, творчай і спартыўнай дзейнасці на эканамічным факультэце.
Навучэнцы паспяхова справіліся з усімі прадугледжанымі арганізатарамі выпрабаваннямі ў рамках квэста «Фінансавыя будні», даведаліся сакрэты кіравання вытворчымі і фінансавымі сістэмамі арганізацый, маркетынгавымі камунікацыямі.
У інтэрактыўным квэсце «Білет у будучыню» з дапамогай мультымедыйнага прасторы рабяты сумесна са штучным інтэлектам вызначалі софт эканамічных спецыяльнасцяў, на прыкладзе навучальных стэндаў Макет лагістычнага склада і Мадэль электроннай эканомікі наглядна азнаёміліся з асаблівасцямі арганізацыі працы эканаміста, праграміста-эканаміста.
Канікулы ў БрДТУ працягваюцца. Не выпусціце магчымасць пазнаёміцца з кожнай спецыяльнасцю ўніверсітэта.