27 сакавіка ў Брэсцкім дзяржаўным тэхнічным універсітэце адбылася сустрэча студэнтаў і куратараў навучальных груп з падпалкоўнікам міліцыі Алесяй Віктараўнай Ліпскай, старшым оперупаўнаважаным па асабліва важных справах упраўлення па наркакантролі, супрацьдзеянні гандлю людзьмі крымінальнай міліцыі УУС Брэсцкага аблвыканкама.
Падчас сустрэчы абмяркоўваліся такія праблемныя пытанні, як: прафілактыкі злачынстваў супраць палавой недатыкальнасці і палавой свабоды непаўналетніх.
Праблема палавых замахаў у дачыненні да непаўналетніх з'яўляецца адной з сур'ёзных праблем сучаснага грамадства.
Важна разумець, што, калі дапамога не аказана своечасова, падлетак застаецца сам-насам са сваёй праблемай, а псіхалагічныя траўмы дзяцінства аказваюць моцны ўплыў на ўсё наступнае жыццё чалавека, фарміраванне яго характару, псіхічнае і фізічнае здароўе, на адаптацыю ў грамадстве ў цэлым.
На жаль, у грамадстве так павялося, што не ўсе бацькі і знаёмыя ахвяр адкрываюцца, не ўсе звяртаюцца ў міліцыю і не ўсе гатовыя, нават разумеючы, што з іх дзіцем нешта здарылася, паведаміць пра гэта ў міліцыю.
Алеся Віктараўна адзначыла, каб паменшыць утойванне гэтага віду злачынстваў вельмі важна, каб людзі не баяліся і паведамлялі аб праблеме ў праваахоўныя органы. Дадзеныя злачынствы не маюць тэрміну даўнасці. Максімальныя санкцыі артыкула прадугледжваюць да 15 гадоў пазбаўлення волі.
Такія сустрэчы, безумоўна, важныя ў прафілактычнай працы з навучэнцамі, бо з'яўляюцца адным з метадаў засцярогі ад патэнцыйных пагроз у галіне палавой недатыкальнасці непаўналетніх.