У сценах Брэсцкага дзяржаўнага тэхнічнага ўніверсітэта прайшоў рэгіянальны семінар «Прафілактыка наркатычнай залежнасці і залежных паводзін».
У якасці запрошаных гасцей выступілі: капітан міліцыі, старшы ўпаўнаважаны ўпраўлення па наркакантролі і супрацьдзеянні гандлю людзьмі УУС Брэсцкага аблвыканкама Міхалюк Павел Віктаравіч; кіраўнік аддзела рэлігійнай адукацыі і катэхізацыі Брэсцкай епархіі БПЦ, протаіерэй Яўген Ліхота; урач-псіхатэрапеўт УАЗ «Брэсцкі абласны наркалагічны дыспансер» Прэцкайла Уладзіслаў Ігаравіч.
Як гэта не парадаксальна, але праблема незаконнага абароту наркатычных сродкаў, псіхатропных рэчываў, іх прэкурсораў і аналагаў была і застаецца адной з найважнейшых глабальных сусветных праблем. Наркотыкі руйнуюць жыццё не толькі тых, хто іх ужывае, але негатыўна ўплываюць і на асяроддзе. Яшчэ адным вынікам выкарыстання псіхаактыўных рэчываў з'яўляецца павышэнне злачыннасці.
Студэнты БрДТУ і навучэнцы філіяла БрДТУ «Політэхнічны каледж» пад кіраўніцтвам выкладчыкаў падрыхтавалі матэрыялы і выступілі з дакладамі па заяўленай тэме.
Да ўдзелу ў семінары ў анлайн фармаце таксама далучыліся студэнты і работнікі філіяла БрДТУ «Пінскі індустрыяльна-педагагічны каледж», Баранавіцкага дзяржаўнага ўніверсітэта.