9 красавіка ў Брэсцкім дзяржаўным тэхнічным універсітэце адбыўся семінар для прафсаюзнага актыву, прысвечаны 120-годдзю прафсаюзнага руху ў Беларусі.
Інфарматыўна, змястоўна, асветна выступіла лектар — намеснік старшыні Брэсцкай абласной арганізацыі Прафсаюза Аляксандра Аляксандраўна Драпей. У дыялогу былі закрануты пытанні гісторыі прафсаюзнага руху Беларусі, гісторыі стварэння і прасоўвання Беларускага прафесійнага саюза работнікаў адукацыі і навукі, роля самай масавай грамадскай арганізацыі ў жыцці і дзейнасці кожнага грамадзяніна. У цэнтры ўвагі — чалавек працы.
Студэнты з цікавасцю канспектавалі асноўныя тэзісы выступу: даты, прозвішчы, лічбы. Асноўныя нарматыўныя дакументы прафсаюзнай арганізацыі, раздрабленне і ўмацаванне Прафсаюза, сацыяльнае партнёрства, структура, лідэры прафсаюзнага руху — гэта і многае іншае даведаліся навучэнцы універсітэта з лекцыі. У дакладзе была адлюстравана і сучаснасць прафсаюзнага руху, а таксама мерапрыемствы, якія праводзяцца ў галіне да 100-годдзя прафсаюза работнікаў адукацыі і навукі.
Па выніках правядзення семінара для ўсіх удзельнікаў была праведзена віктарына на платформе Kahoot па тэматыцы сустрэчы. Пераможца і прызёры ўзнагароджаны іміджавай прадукцыяй з сімволікай 120-годдзя прафсаюзнага руху Беларусі. Аляксандра Аляксандраўна таксама ўручыла падзячныя лісты абласной арганізацыі ўдзельнікам абласнога патрыятычнага конкурсу праектаў «Перамогу ў памяці захоўваем".