11 красавіка ў Брэсцкім дзяржаўным тэхнічным універсітэце ў рамках штогадовай навуковай падзеі «Тыдзень навукі - 2024» на эканамічным факультэце кафедры сусветнай эканомікі, маркетынгу, інвестыцый праведзена ўнікальнае мерапрыемства — форсайт-сесія на тэму «Маркетынг будучыні». У мерапрыемстве прынялі ўдзел студэнты 3-га курса спецыяльнасцяў «Маркетын» і «Электронны маркетынг».

Форсайт-сесія — гэта сучасная методыка працы з будучыняй, інавацыйны мазгавы штурм, які дазваляе максімальна эфектыўна зразумець тэндэнцыі будучыні і ўлічыць гэта пры стварэнні новых прадуктаў і тэхналогій.

З прывітальным словам да ўдзельнікаў звярнулася дэкан эканамічнага факультэта Вікторыя Васільеўна Зазерская, адзначыўшы актыўнасць удзелу студэнтаў у навуковым жыцці універсітэта, важнасць вывучэння новых метадаў удасканалення маркетынгавай дзейнасці ў сучасных умовах.

Далей адбыліся выступленні спікераў, сярод якіх:

• Лізавета Уладзіміраўна Зацепіна — дацэнт кафедры сусветнай эканомікі, маркетынгу, інвестыцый, кандыдат эканамічных навук, з дакладам на тэму «Форсайт-сесіі як інавацыйны інструмент фарміравання ўяўленняў пра будучыню»;
• Андрэй Генадзевіч Прароўскі — загадчык кафедры сусветнай эканомікі, маркетынгу, інвестыцый, кандыдат тэхнічных навук, дацэнт, з візіянерскай прэзентацыяй «Глабальныя трэнды ў эканоміцы»;
• Эдуард Генрыхавіч Чурлей — дацэнт кафедры аналітычнай эканомікі і эканаметрыкі Беларускага дзяржаўнага ўніверсітэта, кандыдат эканамічных навук, дацэнт, з майстар-класам «Маркетолаг будучыні».

Наступным і асабліва дынамічным этапам форсайт-сесіі была праца ў камандах. Папярэдне 6 каманд збіралі і аналізавалі інфармацыю аб розных групах трэндаў, якія могуць паўплываць на трансфармацыю маркетынгавых рашэнняў у будучыні. Аб'яднаныя вынікі сталі асновай распрацоўкі карт трэндаў з усталяваннем узаемасувязяў паміж імі і вылучэннем новых трэндаў. У наступнай частцы мерапрыемства каманды "штурмавалі" атрыманыя карты на прадмет іх практычнага прымянення ў маркетынгу. На заключным этапе ўдзельнікамі былі прадстаўлены новыя маркетынгавыя ініцыятывы з улікам выяўленых перспектыўных трэндаў.

Студэнты адзначылі захапляльнасць і карыснасць такога фармату навуковых мерапрыемстваў, усім удзельнікам былі ўручаны сертыфікаты аб удзеле.