20 чэрвеня 2025 года адбылася цырымонія ўзнагароджання лепшых выпускнікоў і выкладчыкаў вышэйшых навучальных устаноў Рэспублікі Беларусь. У цырымоніі прыняў удзел Кіраўнік дзяржавы Аляксандр Рыгоравіч Лукашэнка.

«Сучаснасць і будучыня Беларусі шмат у чым залежыць ад вас - моладзі. І вельмі важна, каб вы былі не толькі добрымі спецыялістамі, але і сапраўднымі патрыётамі, сацыяльна сталымі і духоўна багатымі людзьмі, якім можна было б даверыць лёс нашай Беларусі. Свет велізарны, а Беларусь у нас адна. Памятайце пра сваю Радзіму. Шануйце і беражыце мірнае неба над нашай краінай. Гэта самае дарагое, што мы - старэйшае пакаленне - змаглі захаваць для вас», - сказаў Прэзідэнт.

Сярод ганаровых гасцей мерапрыемства быў і наш таленавіты выпускнік — Уладзіслаў Тамашоў, факультэт электронна-інфармацыйных сістэм.

Віншуем Уладзіслава з заслужанай узнагародай і жадаем новых прафесійных вышынь! Хай твой шлях будзе напоўнены перамогамі і здзяйсненнямі!