22 жніўня 2025 года ў Брэсцкім дзяржаўным тэхнічным універсітэце адбылася сустрэча рэктара ўніверсітэта Сяргея Антонавіча Каспяровіча з начальнікам упраўлення па адукацыі адміністрацыі Ленінскага раёна г. Брэста Пятручык Юліяй Юр'еўнай, дырэктарам ДУА «Сярэдняя школа №9 г. Брэста імя А. Ф. Наганава» Наталляй Аляксандраўнай Дутавай, дырэктарам ДУА «Сярэдняя школа №33 г. Брэста» Юрыем Дзмітрыевічам Кажанавым, а таксама прадстаўнікамі кіраўніцтва РУП «Брэсцкае агенцтва па дзяржаўнай рэгістрацыі і зямельным кадастры» і СП ААТ «Брэстгазаапарат».

Вынікам сустрэчы стала падпісанне пагадненняў аб арганізацыі інжынерных класаў у ДУА «Сярэдняя школа №9 г.Брэста імя А. Ф. Наганава» і ДУА «Сярэдняя школа №33 г. Брэста».

Мэтай пагадненняў з'яўляецца сумесная праца па фарміраванні прафесійных кампетэнцый ў вучняў інжынерных класаў, правядзенне факультатыўных заняткаў «У свеце тэхнікі і тэхналогій: выбіраем інжынерную прафесію». Дзеці змогуць наведваць навучальныя і навуковыя лабараторыі ўніверсітэта, для іх будуць арганізаваны практычныя заняткі, майстар-класы і экскурсіі на прадпрыемства.