Рэктар Брэсцкага дзяржаўнага тэхнічнага ўніверсітэта Сяргей Антонавіч Каспяровіч стаў удзельнікам значнага адукацыйнага праекта — «Нацыянальная школа рэктараў», які стартаваў 25 жніўня ў Мінску.

Праект накіраваны на павышэнне ўзроўню прафесійнай падрыхтоўкі кіраўнікоў вышэйшых навучальных устаноў Беларусі. Яго асноўная мэта-стварыць умовы для абмену вопытам паміж кіраўнікамі ВНУ, абмеркаванне ключавых пытанняў кіравання адукацыйнымі ўстановамі і ўкараненне перадавых практык у сістэму вышэйшай адукацыі краіны.

Сяргей Антонавіч падкрэсліў важнасць удзелу ў такім мерапрыемстве:

«Гэта ўнікальная магчымасць абмяняцца ідэямі і вопытам з калегамі з розных рэгіёнаў нашай краіны. Праект дазволіць выпрацаваць новыя падыходы да кіравання ўніверсітэтамі, павысіць якасць адукацыйных паслуг і створыць дадатковыя перспектывы для развіцця нашых студэнтаў».

Удзельнікамі семінара сталі кіраўнікі ўніверсітэтаў і прадстаўнікі Міністэрства адукацыі Рэспублікі Беларусь.

Асаблівая ўвага надаецца пытанням цыфравізацыі адукацыі, інтэграцыі навукі і вытворчасці, стварэнню спрыяльных умоў для прыцягнення таленавітай моладзі і падтрымкі навуковых даследаванняў.

Па выніках семінара будзе прынята рэзалюцыя, якая стане практычным кіраўніцтвам для рэктараў, адміністрацыі і выкладчыкаў ВНУ на наступны навучальны год.