У Брэсцкім дзяржаўным тэхнічным універсітэце адбыўся займальны квіз «Дыхай свабодна», праведзены сумесна з Брэсцкім занальным цэнтрам гігіены і эпідэміялогіі. Мэта мерапрыемства — папулярызацыя здаровага ладу жыцця і прафілактыка захворванняў дыхальных шляхоў сярод моладзі.

Удзельнікамі сталі каманды студэнтаў розных факультэтаў, якія прадэманстравалі глыбокія веды ў галіне шкодных звычак і спосабаў іх пераадолення. На пляцоўцы сабраліся спецыялісты, чые прафесійныя парады дапамаглі дзецям разабрацца ў тонкасцях падтрымання здароўя лёгкіх і правільнага дыхання:

• Урач-псіхатэрапеўт установы аховы здароўя «Брэсцкі абласны псіханеўралагічны дыспансер» Прэцкайла Уладзіслаў Ігаравіч,
• Сацыёлаг ДУ «Брэсцкі занальны цэнтр гігіены і эпідэміялогіі» Карнялюк Ульяна Канстанцінаўна,
• Псіхолаг ДУ «Брэсцкі занальны цэнтр гігіены і эпідэміялогіі» Сычэўская Кацярына Станіславаўна.

Квіз «Дыхай свабодна» стаў яркай падзеяй універсітэцкага жыцця. Ён нагадаў студэнтам пра важнасць клопату аб дыхальнай сістэме і пра тое, што здаровыя звычкі фармуюцца ў маладосці. Удзельнікі не толькі праверылі свае веды, але і атрымалі матывацыю сачыць за сваім ладам жыцця. Па выніках спаборніцтва пераможцам стала каманда архітэктурна-будаўнічага факультэта. Мы віншуем пераможцаў і дзякуем усім удзельнікам за актыўнасць і імкненне стаць здаравей і шчаслівей!