На архітэктурна-будаўнічым факультэце Брэсцкага дзяржаўнага тэхнічнага ўніверсітэта адбылося традыцыйнае размеркаванне выпускнікоў 2026 года. На працягу двух дзён да працаўладкавання былі рэкамендаваныя маладыя спецыялісты, якія атрымалі вышэйшую адукацыю па запатрабаваных будаўнічых і архітэктурных спецыяльнасцях.

У першы дзень да працы былі накіраваны 69 выпускнікоў бюджэтнай формы навучання па спецыяльнасцях: прамысловае і грамадзянскае будаўніцтва, экспертыза і кіраванне нерухомасцю і вытворчасць будаўнічых вырабаў і канструкцый. Прадстаўнікі прадпрыемстваў-заказчыкаў адзначылі высокі ўзровень падрыхтоўкі студэнтаў і выказалі гатоўнасць да далейшага супрацоўніцтва.

У другі дзень размеркаванне прайшлі 28 выпускнікоў па спецыяльнасцях: архітэктура, архітэктурны дызайн і аўтамабільныя дарогі. Акрамя таго, двое магістрантаў вочнай формы навучання таксама атрымалі накіраванні на працу. Для маладых спецыялістаў гэта падзея стала не толькі важным этапам прафесійнага станаўлення, але і радасным момантам, сімвалізуючым пачатак іх працоўнага шляху.

Патрэба ў маладых спецыялістах базавых арганізацый факультэта была закрытая на 95%.

Жадаем будучым інжынерам, будаўнікам і архітэктарам прафесійных поспехаў і ўдалага старту кар'еры!